...já en Ragnar Hall hefur sjálfur beitt svona brögðum

Hér er tilvitnun í viðtal í Fréttatímanum við Hafþór son Sævars Ciesielski þar sem sá sami Ragnar Hall er vændur um sömu sakir og hann stendur sjálfur frammi fyrir nú.  

 „... Meðal þeirra gagna sem Sævar og Ragnar fengu ekki við gerð greinargerðar sinnar voru gögn frá ríkissaksóknara þar sem Ragnar H. Hall, hæstaréttarlögmaður sem skipaður var séstakur ríkissaksóknari við meðferð á beiðni Sævars, neitaði Sævari og lögmanni hans um aðgang að gagnasafni ríkissaksóknara. Að auki fengu þeir umbeðna lögregluskýrslu ekki afhenta og að ennfremur vantaði um 300 blaðsíður í gögn varðandi rannsókn lögreglunnar í Keflavík á málinu, að sögn Hafþórs. „Þrátt fyrir það var nægilega mikið sem sýndi fram á þau fjölmörgu mannréttindabrot sem framin voru í þessu máli og þýðingarmiklar forsendur Hæstaréttar hafa verið hraktar, enda standast þær enga skoðun,“ segir Hafþór. 

 

Hér er linkur á fréttatímagreinina:

http://www.frettatiminn.is/frettir/eg_trui_thvi_ad_nafn_fodur_mins_verdi_hreinsad 


mbl.is Segja sig frá Al Thani málinu
Tilkynna um óviðeigandi tengingu við frétt

VG: Vinstri Gaddafi hvað?

Mér er sagt flokksráð VG sé eftirsótt við mælingar á andlegu atgerfi. Þá eru tveir eða fleiri flokksráðsmenn tengdir saman til að núllstilla greindarvísitölukvarðann áður en gerðar eru greindarmælingar á okkur hinum.

Barnaskapur og hálfvitaháttur er þetta að fordæma hernaðaraðgerðir NATO gegn einræðisherra sem strádrepur þegna sína fyrir það eitt að vilja lýðræði. Án NATO hefði uppreisnin mistekist og þúsundir saklausra borgara látið lífið - munurinn er sá að þeir hefðu verið drepnir af Gaddafi sjálfum í hefndarskyni.


mbl.is Fordæma aðgerðir NATO í Líbíu
Tilkynna um óviðeigandi tengingu við frétt

Útlendingastofnun er okkur til skammar

Hvað tefur að finna úrlausn fyrir allt þetta flóttafólk sem bíður eftir því að fá úrlausn sinna mála? Hvað skyldu margir starfsmenn Útlendingastofnunar starfa við að vinna í málum þessa manns? Eftir hverju er verið að bíða? Að hann gefist upp og fari eitthvert annað?

Kannski er það hlutverk Útlendingastofnunar að bíða bara uns það "leysist" úr málum mannsins án aðkomu stofnunarinnar. Það væri týpískt fyrir íslenska ríkisstofnun.

Maður skammst sín fyrir að vera Íslendingur þegar kemur að frammistöðu okkar í mannúðarmálum tengd flóttamönnum. Þetta mál, og fleiri svipuð, minna á framkomu íslenskra embættismanna fyrir seinni heimstyrjöld þegar þeir neituðu Gyðingum um landvistarleyfi og sumir þeirra enduðu í gasklefunum.


mbl.is Mikil hætta skapaðist
Tilkynna um óviðeigandi tengingu við frétt

Þá verða fundargerðir um útboð og sölu orkumælana opinberaðar - jibbí!!

Já, er ekki kominn tími til að lyfta hulunni af framsóknarvist þeirra Alfreðs Þorsteinssonar og Finns Ingólfssonar.

Árið 2001 fjárfesti Frumherji rúmar 200 milljónir og keypti alla mæla (vatns og rafmagns) af Orkuveitunni - og gerði strax leigusamning þar sem Orkuveitan leigði þessa sömu mæla fyrir tæpar 200 millur á ári. Góður bissness það...

Það verður fróðlegt að sjá hvaða stjórnarmenn voru á þessum fundum, hvað þeir sögðu - og hverjir þeirra greiddu þessum gjörningi atkvæði sitt.


mbl.is Vill aflétta leynd af fundargerðum OR
Tilkynna um óviðeigandi tengingu við frétt

Brotnir sjórnmálaflokkar, klofnir, fúnir, fúlir, fámennir og villuráfandi...

Það er greinilegt að það vantar heilsteypt nýtt stjórnmálaafl á Íslandi.

Framsóknarflokkurinn er jókerinn í stokknum og það læðist að manni grunur að það hafi verið vitlaust gefið. Liðsmennirnir eru mislitur hópur eins og þessi frétt sýnir. Kannski af því formaðurinn er málafylgjumaður og út úr hans munni koma kennisetningar sem fæstir hefðu trúað upp á Framsókn - og þá laðast að flokknum fólk sem ekki á heima þar. Og áfram heldur leiðtoginn að útvíkka sjóndeildarhringinn í leit að kjósendum með slíku offorsi að hann virðist stundum vera í röngum stjórnmálaflokki. Sumir telja málafylgjuna jafnvel stafa af menntunarskorti.

Innviðir Sjálfstæðisflokksins voru í eina tíð kjörviður og kjölfesta þjóðfélagsins. Nú, undir merkjum Bjarna Ben er þetta feyskinn "vafningsviður" að kikna undan "fortíðarljóma" fyrri leiðtoga.

Vinstri Grænir, uppvakningur Alþýðubandalagsins, er eins og kommúnistasella í menntaskóla þar sem meðlimirnir eru að leita að hlutverki til að gegna í óljósri framtíð. Daglega velja þeir völdin á kostnað sannfæringarinnar. Sorglegt að það skuli ekki vera hreintrúaður kommúnisti til á Íslandi heldur eintómar lélegar eftirlíkingar.

Hreyfingin dæmir sig sjálf. Af ávöxtunum skuluð þið þekkja þingmenn og konur. Baklandslaus þá nær barnsleg einfeldni þeirra, jaml of fuður bara svona langt...

Samfylkingin er með Stokkhólms-syndróm sem fangi eigin hugmyndafræði sem birtist í veggjakroti í sjálfskipuðum fangaklefa. Flokkurinn er gersamlega bæ-pólar og stofnanamatur - enda munu þingmenn hans og ráðherrar enda á ruslahaug Íslandssögunnar sem dæmi um síðasta útvígi gamla tímans. Þetta er samfylking þeirra sem vita hvorki hvert þeir eru að fara né hvaðan þeir koma.

Til hvers að kjósa nýtt Alþingi þegar valkostirnir eru svona?


mbl.is Frjálslyndur hópur finnur sig ekki í flokknum
Tilkynna um óviðeigandi tengingu við frétt

Ha, er Eygló Harðardóttir að vísa í vanþekkingu fjölmiðlafólks á fjölmiðlafrumvarpinu??

Blaðamannafélagið hefur mótmælt þessu frumvarpi og bent á ormagryfju af göllum. Formaður BÍ hefur tíundað annmarkana í öllum fjölmiðlum. Ótal fjölmiðlamenn hafa hallmælt frumvarpinu - svo þingheimur ætti að hafa heyrt ávæning af því skyldi maður ætla? Nema hvað!

Úr frétt mbl.is: "Eygló Harðardóttir, fulltrúi Framsóknarflokksins í menntamálanefnd, greiddi atkvæði með frumvarpinu og sagði þá sem gagnrýna það gera það af vanþekkingu og fordómum."

Er manneskjan ekki jarðtengd?

-----

PS. En fyrst ég er kominn í bloggham þá langar mig til að tæpa á einu atriði varðandi þetta frumvarp.

Bleiki fíllinn í herberginu, þ.e. RÚV, er varla nefnt á nafn í þessum lögum en RÚV er samkvæmt forskriftinni nafli fjölmiðlaheimsins á Íslandi, málsvari íslenskrar menningar, merkisberi íslenskrar dagskrárgerðar, o.s.frv.

En...,
RÚV er tímaskekkja á upplýsingaöld. Afæta þjóðfélagsins. Hvert mannsbarn á lögaldri er skikkað til að borga skatt til framfærslu þess. Fyrirtækin líka. Skatturinn gerir RÚV kleift að undirbjóða samkeppnisaðila á auglýsingamarkaði sem er í andstöðu við EES reglugerðir sem Íslandi er skylt að fara eftir. Skatturinn á samkvæmt þeoríunni að fara til að efla islenska dagskrárgerð - sem er brandari í bransanum og efni í mun lengra blogg en þetta.

En aftur að EES: Allar grundvallar-lagabreytingar hér á landi undanfarna áratugi hafa orðið vegna EES - skilorð sem við gengumst undir til að geta selt þangað fisk. Það voru hagsmunirnir sem við vorum að tryggja en aukaverkanirnar urðu bætt þjóðfélagsgerð. Næsta sérhagsmunavígi sem fellur fyrir EES sakir verður RÚV því þessi nýju lög samræmast ekki regluverki þess frekar en lagaumgjörðin um RÚV yfirleitt.

Það verður gaman að heyra hvað Eygló hefur til málanna að leggja þegar það gerist. Vanþekkingin verður þá heimfærð upp á Brussel, eða hvað?


mbl.is Fjölmiðlalög samþykkt
Tilkynna um óviðeigandi tengingu við frétt

Jón Gnarr eða Jesús - hvor aðferðafræðin er vænlegri til árangurs?

Jesús umgekkst skattheimtumenn, át með þeim og drakk, og fariseiar fóru á límingunni. Þeir skildu ekki af hverju Jesús fordæmdi ekki þessar afætur vinnandi fólks. Af samneytinu við Jesú þá hafa eflaust margir skattheimtumenn fyrr og síðar ratað til betri vegar.

En friðarboðinn Jón Gnarr notar aðrar aðferðir:

Hingað eru mættir "atvinnuófriðarsinnar", í þessu tilfelli þýskir sjóliðar. Þeir munu ekki sjá villu síns vegar í samneyti við borgarstjóra enda notar hann ekki Jesúaðferðina til að boða frið. Gnarrinn mætir gestunum ekki friðelskandi og kærleiksríkur á kæjanum heldur ullar á þá úr fjarlægð, að eigin sögn í baráttu sinni fyrir heimsfriði.

Hvað er eiginlega langt í næstu borgarstjórnarkosningar?


mbl.is Á móti hernaði
Tilkynna um óviðeigandi tengingu við frétt

Kannski Finnur Ingólfsson geti lánað OR milljarð eða tvo?

Orkuveitukreppan er skítamál og afleiðing pólitískrar spillingar. Það er löngu tímabært að stinga á kauninu og hreinsa út.

Meðan Finnur Ingólfsson var seðlabankastjóri og flokksbróðir hans Alfreð Þorsteinsson stýrði Orkuveitunni seldi OR alla hitaveitu- og rafmagnsmæla höfuðborgarsvæðisins til Frumherja fyrir rúmlega 200 milljónir.

Á þeim tíma mátti Finnur ekki vera í prívat bissness embættis síns vegna - svo kjaftasagan segir að hann hafi látið leppa sig víða og svo greitt götu leppanna með viðteknum framsóknaraðferðum. Kannski er þetta haugalýgi runnin undan rifjum pólitískra andstæðinga - hvur veit? En meðan engin rannsókn hefur farið fram á mælasölu OR þá standa kjaftasögur jafnfætis pólitískum hreinlífiskenninum.

Síðan þegar Finnur losnaði úr embættinu þá fór hann beint út í bissness - big bissness. Og viti menn, hann keypti meirihlutann í Frumherja ehf. Sá hlutur hlaut þá að vera mikils virði enda var fyrirtækið með tekjuáskrift upp á ca 200 milljón á ári kr frá OR. Samningurinn við OR var semsagt rúmlega milljarðs virði að frádregnum kostnaði. Hvað skyldi Finnur þá hafa borgað fyrir allt fyrirtækið?

Dæmið leit sem sagt vel út Frumherja megin enda góður bissness að fjárfesta rúmlega 200 milljónir í eign sem gefur tæplega 200 milljónir í leigutekjur á ári.

Annað má segja um hagsmuni Orkuveitunnar: Hvaða snillingur hjá OR reiknaði út að að væri góður bissness fyrir OR að fá 200 millur í kassann og borga þær strax aftur í leigu á næsta fjárhagsári? Hvaða snillingur seldi þar á bæ trúði því að svona leigusamningi væri hægt að rúlla til baka án þess að það kostaði margfalt söluverð mælanna? Hvernig verður svona "díll" til? Hver ber ábyrgðina? Það þarf ekki að spyrja að því hver ber skaðann. Það erum við.

Staðreyndin er að OR gerði samning við Frumherja til sjö ára frá 2001 og sá samningur var endurnýjaður til annarra sjö ára 2008. Ef þessum sjálfvirka leigusamningi yrði rift þá þarf OR að endurfjármagna alla mæla höfuðborgarsvæðisins og skipta þeim út fyrir mæla Frumherja. OR gæti keypt mælana aftur af Finni en bókhaldslega hljóta þeir að vera milljarða virði fyrir Frumherja enda gefa þeir fyrirtækinu stöðugar leigutekjur til margra ára.

Ég hef ekki nákvæmar tölur en mér reiknast til að leigutekjur Frumherja séu kr. 2.000.000.000.00 á þessum áratug sem er að líða. Þetta er óþarfa kostnaður fyrir OR og orkuaupendur.

Setjum þessa tvo milljarða í samhengi: Mælaútgerð OR kostaði smáuara í samanburði en öll mæladeildin var að ég held 5-6 stöðugildi.

En það er auðvelt að vera með æsing og dylgjur þegar allar tölur og samningar eru "trúnaðarmál" og okkur hulin.

Nú hefur Finnur sagt opinberlega að arðsemistölur um mælakaup og leigu sem hafa birst í fjölmiðlum og bloggheimum séu ýktar og út úr kú. Þetta sé ekki svona góður bissness heldur bölvað basl eins og allt annað í kreppunni. En frumherjinn Finnur hefur ekki birt neinar tölur til að hrekja þessa slembiútreikninga. Hann situr frekar undir ámælinu og spillingaraðdróttunum. Skrítið...

Kannski Jón Gnarr vilji vera svo vænn að opinbera þennan gjaldpóst eða einhver hjá OR taki af skarið??

Hér er hugmynd fyrir borgarstjóra - hvernig væri að slá lán hjá Finni til að hjálpa Orkuveitunni? Ekki veitir af.


mbl.is Of langt gengið í hækkunum
Tilkynna um óviðeigandi tengingu við frétt

Kannski Finnur Ingólfsson geti lánað OR milljarð eða tvo?

Orkuveitukreppan er skítamál og afleiðing pólitískrar spillingar. Það er löngu tímabært að stinga á kauninu og hreinsa út.

Meðan Finnur Ingólfsson var seðlabankastjóri og flokksbróðir hans Alfreð Þorsteinsson stýrði Orkuveitunni seldi OR alla hitaveitu- og rafmagnsmæla höfuðborgarsvæðisins til Frumherja fyrir rúmlega 200 milljónir.

Á þeim tíma mátti Finnur ekki vera í prívat bissness embættis síns vegna - svo kjaftasagan segir að hann hafi látið leppa sig víða og svo greitt götu leppanna með viðteknum framsóknaraðferðum. Kannski er þetta haugalýgi runnin undan rifjum pólitískra andstæðinga - hvur veit? En meðan engin rannsókn hefur farið fram á mælasölu OR þá standa kjaftasögur jafnfætis pólitískum hreinlífiskenninum.

Síðan þegar Finnur losnaði úr embættinu þá fór hann beint út í bissness - big bissness. Og viti menn, hann keypti meirihlutann í Frumherja ehf. Sá hlutur hlaut þá að vera mikils virði enda var fyrirtækið með tekjuáskrift upp á ca 200 milljón á ári kr frá OR. Samningurinn við OR var semsagt rúmlega milljarðs virði að frádregnum kostnaði. Hvað skyldi Finnur þá hafa borgað fyrir allt fyrirtækið?

Dæmið leit sem sagt vel út Frumherja megin enda góður bissness að fjárfesta rúmlega 200 milljónir í eign sem gefur tæplega 200 milljónir í leigutekjur á ári.

Annað má segja um hagsmuni Orkuveitunnar: Hvaða snillingur hjá OR reiknaði út að að væri góður bissness fyrir OR að fá 200 millur í kassann og borga þær strax aftur í leigu á næsta fjárhagsári? Hvaða snillingur seldi þar á bæ trúði því að svona leigusamningi væri hægt að rúlla til baka án þess að það kostaði margfalt söluverð mælanna? Hvernig verður svona "díll" til? Hver ber ábyrgðina? Það þarf ekki að spyrja að því hver ber skaðann. Það erum við.

Staðreyndin er að OR gerði samning við Frumherja til sjö ára frá 2001 og sá samningur var endurnýjaður til annarra sjö ára 2008. Ef þessum sjálfvirka leigusamningi yrði rift þá þarf OR að endurfjármagna alla mæla höfuðborgarsvæðisins og skipta þeim út fyrir mæla Frumherja. OR gæti keypt mælana aftur af Finni en bókhaldslega hljóta þeir að vera milljarða virði fyrir Frumherja enda gefa þeir fyrirtækinu stöðugar leigutekjur til margra ára.

Ég hef ekki nákvæmar tölur en mér reiknast til að leigutekjur Frumherja séu kr. 2.000.000.000.00 á þessum áratug sem er að líða. Þetta er óþarfa kostnaður fyrir OR og orkuaupendur.

Setjum þessa tvo milljarða í samhengi: Mælaútgerð OR kostaði smáuara í samanburði en öll mæladeildin var að ég held 5-6 stöðugildi.

En það er auðvelt að vera með æsing og dylgjur þegar allar tölur og samningar eru "trúnaðarmál" og okkur hulin.

Nú hefur Finnur sagt opinberlega að arðsemistölur um mælakaup og leigu sem hafa birst í fjölmiðlum og bloggheimum séu ýktar og út úr kú. Þetta sé ekki svona góður bissness heldur bölvað basl eins og allt annað í kreppunni. En frumherjinn Finnur hefur ekki birt neinar tölur til að hrekja þessa slembiútreikninga. Hann situr frekar undir ámælinu og spillingaraðdróttunum. Skrítið...

Kannski Jón Gnarr vilji vera svo vænn að opinbera þennan gjaldpóst eða einhver hjá OR taki af skarið??

Hér er hugmynd fyrir borgarstjóra - hvernig væri að slá lán hjá Finni til að hjálpa Orkuveitunni? Ekki veitir af.


mbl.is Höfuðstöðvar seldar?
Tilkynna um óviðeigandi tengingu við frétt

Skjaldborg kerfisins - svona á að fela sannleikann

Í öllum "eðlilegum réttarfarsríkjum" getur aðili að dómsmáli krafist þess að fá vitni leidd fyrir dóm til að fá sannleikann fram. Vitnin geta þá mótmælt, reynt að koma sér undan, misst minnið, sagt satt fyrir rétti eða logið - en hér á Íslandi þá sér réttarkerfið um að fela sannleikann. Það þarf enga samsæriskenningasmiði til að sýna fram á að dómstólar nota orð eins og "aðildarskort" til að halda vitnum frá dómi. Íslenskt réttarfar er eins og kópía úr Kardimommubænum.
Svokallaðar "Discovery Rules" í BNA eru til fyrirmyndar þegar kemur að því að finna sannleikanum farveg innan réttarkerfisins. Hér á Íslandi skiptir sannleikurinn ekki máli. Sorglegt að sjá þetta réttlætismál Þorsteins stranda á einbeittum vilja dómskerfisins sem vill ekki hleypa sannleikanum inn í réttarsalinn. Kerfið slær skjaldborg um sína menn.
mbl.is Fær ekki að leiða vitni fyrir dóm
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband