Á að kúga smásölubransann til að selja matvörur yfir kostnaðarverði?

Sumt í íslenskri verslunarhugsun meikar ekki sens. Eins og t.d. að þetta sé siðferðislega rangt gagnvart neytendum - sjá tilvitnun úr frétt mbl þar sem Kostur kvartar yfir lágu vöruverði í Bónus:

"Sem dæmi má nefna að innkaupsverðið á 1 lítra af nýmjólk sem Kostur greiðir Mjólkursamsölunni er 101 kr. með virðisaukaskatti, en verðið á sömu vöru hjá Bónus er 98 kr."

Nú vill Kostur koma í veg fyrir að Bónus selji vörur undir innkaupsverði á þeim forsendum að það sé neytendum til góðs.

Þetta er óskiljanleg röksemdafærsla. Ef þetta væri regla sem smálsöluverslun yrði að fara eftir þá væri hún eingöngu til þess að hækka vöruverð. Og hver græðir á því? Ekki neytendur. Svo mikið er víst.

Kostur og aðrir sem eru í samkeppni við Bónus verða bara að sætta sig við að vöruverð ræður hvar meðaljón verslar í matinn. Ef Bónus býður betur þá sækja neytendur þangað. Skrítið að Kostur og aðrir sem hrópa hæst um frjálsa og haftalausa verslun vilja straffa þá sem bjóða bestu verðin og knýja fram hærri vöruverð.

Kostur má gjarnan selja mjólkurlíterinn á 97 krónur án þess að ég ásaki þá um ofríki...

Ríkið leiðrétti ofríki Bónuss

Athugasemdir

[Björn Heiðdal, 3.12.2010 kl. 20:31]

Kostur er okurbúlla!  Jón Gerald kann ekki að kaupa inn vörur og selja á góðu verði.  Hann kann á háu verðin en ekki þessu lágu. 

Draslið sem hann flytur inn sjálfur er dýrt.  Allt dýrt, dýrt, dýrt.  

Fáránlegt konsept að hafa brettabúð með Nýkaupsverðum!!!

[borg og bæ (IP-tala skráð) 3.12.2010 kl. 21:31]

Sá leikur að selja tiltekna vöruflokka með tapi - er stjórntæki sem markaðsráðandi fyrirtækjum hentar vel.  Það bætir hag neytenda með svipuðum hætti og það að pissa í skóinn sinn bætir stöðu þess sem glímir við ofkælingu.  Við sem höfum skárra minni en talið er að gullfiskar búi yfir, munum hvernig þessi markaðsráðandi staða var misnotuð - og það var hvorki  til hagsbóta fyrir neytendur né íslenska þjóð.  Þetta háttarlag hefur verið bannað með lögum víðast í hinum frjálsa heimi - þ.m.t. í heimshluta sjálfrar frjálshyggjunnar US of A

[Jón Pétur Líndal, 4.12.2010 kl. 00:03]

Það væri kannski ekki verið að afskrifa mörg hundruð milljarða vegna Bónuss beint og óbeint ef verslunin hefði í gegn um tíðina fengið nóg aðhald til að neyðast til að selja vörur á raunvirði. Ég hef aldrei séð annað eins rugl og þegar fólk hælir lágu vöruverði í Bónus en gleymir um leið að bara helmingurinn af vöruverðinu er greiddur á kassanum þegar varan er keypt. Hinn helmingurinn er svo greiddur seinna með afskriftum sem ríkið og skattgreiðendur þurfa að taka á sig út af undirboðsruglinu í þessu fyrirtæki sem aldrei hefur getað staðið í lappirnar frá fyrsta rekstrardegi.

[Kristján (IP-tala skráð) 4.12.2010 kl. 01:10]

Hvaða endæmis vitleysa er þetta. Bónus hefur verið dæmt og sektað tugi milljóna vegna undirverðlagningu, þeim er það einfaldlega óheimilt. Ef svo er raunin að þeir séu að greiða með vörunni sinni þá væri hæg heimatökin hjá Samkpennisstofnun að slá á puttana á þeim. Sú staðreynd að slíkt sé ekki uppi á teningnum segir okkur allt sem segja þarf um Jón og hans vænusýki.

Vitanlega er Bónus að kaupa inn margfalt meira magn af mjólk en óKostur, og eðlilega að fá betra verð. Liði fólki virkilega betur ef þeir væru að setja það í vasann í stað þess að bjóða neytendum betra verð. Hverskonar samkeppnisumhverfi væri það ef allir væru skikkaðir til að selja vörur á sama verði og hver sá sem er með hæsta verðið, svo ekki sé verið að mismuna kaupmönnum... hvaða rugl er þetta!

[sæmundur (IP-tala skráð) 4.12.2010 kl. 03:53]

Er Jón ekki búin að auglýsa verð á mjólkurlítra á 75 kr ?

Er hann þá að fa mjólkina á betra verði en Bónus

[Jón Pétur Líndal, 4.12.2010 kl. 12:18]

Er það einhver vitleysa að heildargjaldþrot Baugsveldisins sé upp á yfir 1000 milljarða? Allt byrjaði þetta með Bónus og óx upp af því. Og ástæðan fyrir þessu risatapi er varla góður og hagkvæmur rekstur. Ætli hún sé ekki frekar sú að í allri viðskiptablokkinni voru viðhafðir sömu viðskiptahættir og í Bónus. Og allt kemur þetta í hausinn á skattgreiðendum og neytendum að lokum. Við erum bara að borga hærri vexti og hærri skatta og hærra vöruverð út af þessu rugli. Þið þurfið að reikna allt dæmið. Megið ekki láta plata ykkur með svona einföldu trixi eins og að hlaupa eftir 2-3 krónum ódýrari mjólkurlítra í Bónus sem kostar ykkur svo kannski 100 þús. kall í skatta og vexti seinna!!