"Rules of Discovery" og íslenskt réttarfar - djók!

Í siðmenntuðum löndum getur lögmaður krafist þess að fá allar upplýsingar gagnaðila. Þetta er "uppgötvunarréttur" sem í USA kallast "Discovery". Hér á Íslandi er þetta hugtak ekki til enda er dómskerfið samanplástraður danskur nýlenduuppvakningur.

Á Íslandi er gengið út frá drengskap lögmanns andstæðings að láta allar upplýsingar í té, líka þær sem mótaðili hefur ekki hugmynd um að sé til en gæti nýst honum við sókn málsins. Við sem þekkjum móralskan kompás sumra íslenskra lögmanna vitum að það eru meiri líkur á að vinna í lottóinu - enda er gætu sumar upplýsingar komið sér illa fyrir skjólstæðing viðkomandi. Hvar er þá hvati lögmanns til að opinbera allt?

Maður les í gegnum þessa frétt að málið gegn Kaupþingi hefur verið höfðað í hálfgerðu myrkri þeirra sem töldu bankann hafa brotið á sér. Ef þetta mál hefði farið fyrir t.d. bandaríska dómstóla þá hefði lögmaður fólksins átt fundi með bankamönnum sem hefðu undir eið staðfest tilvist vitna og gagna.

En hér er þetta blindskák enda er lagahugtakið "Discovery" ekki til í íslenskum réttarfarsreglum, nema þá kannski húsrannsóknarheimildir saksóknara. Erlendum lögmönnum finnst þetta skrítið svo ekki sé meira sagt. Enda er oft dæmt í málum þar sem gögn hafa verið falin eða "finnast" ekki. Þessi tilvitnun í fréttinni sýnir að þetta er líklega vandamálið hér:

"Héraðsdómur segir í niðurstöðum sínum, sem Hæstiréttur staðfesti, að bótagrundvöllur sé vanreifaður og því beri að vísa málunum frá. Umrædd viðskipti hafi farið fram frá árinu 2001 til 2009 og stefnendur geri enga grein fyrir því tjóni sem þeir telji sig hafa orðið fyrir. Þá geri þeir enga grein fyrir því í hverju hin meintu brot starfsmanns bankans hafi verið fólgin og reifi ekki tengsl athafna eða athafnaleysis starfsmannsins við meint tjón eða útskýri hvernig vanræksla og eftirlitsleysi bankans tengist meintu tjóni. "

Töpuðu stórfé í eignastýringu

Athugasemdir

[Baldur (IP-tala skráð) 29.1.2011 kl. 11:23]

Þetta er í raun og veru algjörlega magnað hvernig enginn á þessu blessaða landi virðist vera ábyrgur fyrir nokkrum einasta hlut eða gjörningi sem viðkomandi framkvæmir (hvort sem um er að ræða einstakling eða fyrirtæki).

Það virðist vera í fullkomnu lagi fyrir "fagaðila" á borð við eignastýringu banka að ljúga, svíkja og hafa stórfé af fólki án þess að þurfa nokkurntímann að bera minnstu ábyrgð á gjörningnum.

Ef ég væri þetta fólk myndi ég ráða "tvo stóra" til að klára málið og afgreiða alla sem gerðu á þeirra hlut. Fara að fordæmi konunnar sem lagði ekki í að kæra nauðgun. Það virðist greinilega vera skynsamara að fólk taki lögin í sínar hendur í ákveðnum tilfellum.

[Vendetta, 29.1.2011 kl. 14:06]

Ég er feginn að vera ekki sá eini, sem finnst íslenzkir lögfræðingar/lögmenn vera duglausir andskotar.

"Ef ég væri þetta fólk myndi ég ráða "tvo stóra" til að klára málið ..."

Hvar nær maður í svona tvo stóra, ef ske kynni?

[Guðmundur Ásgeirsson, 29.1.2011 kl. 16:29]

Var ekki vöðvaþrútinn maður hér í bæ að láta sig dreyma um að stofna innheimtufyrirtæki? Hugsanlega er þarna komið fyrsta verkefnið fyrir hann.

[Vendetta, 29.1.2011 kl. 20:51]

Já, hvernig sér maður til þess að það sé hvorki slóð til manns sjálfs né lausir endar? Ég hata lausa enda.

[Baldur (IP-tala skráð) 30.1.2011 kl. 01:05]

Einfalt mál. Hringja í tvo stóra úr símasjálfsala, passa að nota latex hanska og að engar myndavélar séu nálægt. Eftirleikurinn er síðan auðveldur.

En grínlaust það þarf einhver að taka í taumana og taka af skarið og senda tvo stóra til að afgreiða þetta lið.

Dómskerfið okkar er afar lélegt, enda hefur það sýnt sig að löggjöfin er meira eða minna meingölluð. Dómarar geta vísað svona frá af því það er "vanreifað", það er sem sagt ætlast til þess að aldrað fólk sem treysti "fagaðilum" fyrir öllu sínu fé eigi að týna til alveg hárnákvæmlega hvernig maðurinn sem fjárfesti ólöglega peningunum þeirra, og tapaði þeim, fór að því að gera það.

Þetta myndi ég kalla öfuga sönnunarbyrði, soldið eins og að segja við fórnarlamb nauðgunar, "hey það fannst sæði úr manninum á þér, húðflygsur undir nöglunum, fötin þín rifin og ummerki á vagínuni. Þú ert marin, blá og bólgin og maðurinn hefur játað... en gjörðu nú svo vel að sanna að þér hafi í raun og veru verið nauðgað"

Senda tvo stóra á dómarana, lögmennina og "fagaðilana", t.d. vopnaða haglabyssu, hún er víst ekki talin vera merkilegri en kúbein ef marka má suma dómara!

Einn stór fokking helvítis brandari þetta land okkar!

[Guðmundur Ásgeirsson, 3.2.2011 kl. 15:04]

Vendetta: Pís of keik, þú passar þig að labba bara á gangstétt í mikilli rigningu og þá kemur engin slóð, svo bindur þú bara slaufu á lausu endana og þá eru þeir ekki lausir lengur. ;)

Baldur: Hvar finnur maður símaklefa nú til dags? Hvar finnur maður síma nú til dags þar sem ekki er myndavél? Vissirðu að það eru líka myndavélar í ÖLLUM hraðbönkum? Mundu það næst þegar þú ert að taka út pening og bora í nefið! Hvar kaupir maður latex hanska þar sem er ekki myndavél? Það eru myndavélar í ÖLLUM apótekum og flestum stórmörkuðum líka, mundu það næst þegar þú ert að versla í matinn og bora í nefið! Er í lagi að kaupa hanskana með kreditkorti? Muna líka að passa að bora ekki í nefið á sér með hanskana uppsetta því þá gæti DNA flust yfir á símtólið! Gæti það hugsanlega hjálpað að nota raddbreyti ef ske kynni að einhver væri að hlera símtalið? En hvað með að bera grímu í líki Jóns Gnarr þegar maður hringir símtalið? Væri þá kannski í lagi að hringja þar sem er myndavél? En yrði það samt ekki að vera úr símaklefa? Á víðavangi, svona eins og í bíómyndunum, því það er svo kósý? Hafið þið tekið eftir því að það eru HVERGI símaklefar á víðavangi nema í bíómyndum?

[Vendetta, 3.2.2011 kl. 16:20]

Nú ætti enginn að fara fyrir borð í ákefð sinni að eyða öllum sporum hér á Íslandi. Það er óþarfi, því að löggan hér er alls ekki eins vel tæknivædd, reynslumikil eða vel mönnuð og löggan í USA eða á meginlandi Evrópu. Einhver sem þekkir til hér á Íslandi lét hafa eftir sér, að það sem væri sýnt í CSI væri óraunhæft, þar eð í raun og veru tæki svona greining einhverjar vikur. Ef dæmigerð dna-greining tekur viku í Svíþjóð, þá leggjast við tvær vikur hvað Ísland varðar, því að öll lífsýni til greiningar eru send til Svíþjóðar og sendingar fram og aftur taka tíma. Í CSI-þáttunum (og öðrum lögguþáttum frá Hollywood) nást allir glæpamenn alltaf. Þetta er líka fjarri raunveruleikanum í USA.

Íslenzkir krimmar gera oft mistök. Annars vegar eru síbrotamenn sem sakna Litla-Hrauns eða sem eru bara að borga skuld og er andskotans sama hvort þeir nást eða ekki, gera mörg mistök og gætu allt eins gengið um með neyðarblys og gul blikkandi ljós. Og hins vegar eru þeir sem ekki vilja nást en nást samt. Þeir skiptast í tvo hópa:

• Þeir, sem halda að íslenzka löggan geti lagt saman tvo og tvo og finni allar slóðir, sönnunargögn og tengingar. Þeir gera svo mikið út úr því að fela slóð sína (forðast fingraför, lífssýni, hljóð- og myndaupptökur) að þeir skilja eftir enn fleiri slóðir og slaufulausa enda.
• Þeir sem fremja glæp með öðrum. Sama hvað glæpurinn er vel skipulagður, þá er alltaf einn eða fleiri í hópnum veikur hlekkur, sem klúðrar málunum (dæmi um þetta er Papeyjarmálið).

Þeir sem vilja fremja hinn fullkomna glæp, verða að fylgja eftirfarandi ráðleggingum ef það á að heppnast:

1. Taktu allan þann tíma sem þarf til að kanna aðstæður og safna upplýsingum um markhópinn (case the joint, eins og sagt er á góðri ensku).

2. Skipuleggðu allar aðgerðir í þaula og gerðu ráð fyrir öllum hugsanlegum möguleikum og frávikum (þ.e. hafðu tilbúið Plan B, Plan C, ...., Plan Z).

3. Ekki treysta á aðra. Ef þú neyðist til þess skipulagðu þá hvernig þú kemur í veg fyrir að hann fari að syngja, ef málin klúðrast.

4. Notfærðu þér vitni sem eiga að staðfesta fjarvistarsönnun þína og ruglaðu þau vitni í ríminu sem eiga að verða tvísaga/ótrúverðug (ekki erfitt að gera það, það hefur verið sýnt fram á, að óþjálfuð vitni lýsa aldrei rétt því sem gerðist). Önnur leið til að fá fjarvistarsönnun er að hafa eitthvað á prenti, sem sýnir fram á að þú hafir verið allt annars staðar. Sjá þó lið 3.

5. Ef þú verður grunaður (sem eru mistök), undirbúðu þá hvernig þú munt vinna málið fyrir rétti. EKKI biðja um lögfræðing, íslenzkir lögfræðingar eru duglausir, verðu þig sjálfur, þú hefur rétt á því og í því sambandi áttu rétt á að fá afrit af öllum skjölum tengdum málinu. Aldrei játa neitt, láttu saksóknarann hafa sönnunarbyrðina og taktu hann svo á beinið.

6. Ef þú hefur verið látinn sæta gæzluvarðhaldi og síðan sýknaður, ekki gleyma að stefna ríkinu og fá skaðabætur. Þú færð þær svo fremi sem þú hefur ekki gefið færi á þér varðandi aðdraganda handtökunnar og rannsóknarinnar.

Í athugasemd nr. 2 vildi ég fá að vita hvernig ég gæti náð í þennan vöðvaþrútna til að láta lumbra á Jóni "stóra" fyrir að vera ofbeldissinnaður. En svo komst ég að því, að sá vöðvaþrútni var hann sjálfur. Hálf neyðarlegt. Það er ekki nóg framboð í þessum bransa, Annþór situr ennþá inni og handrukkarar/leigumorðingjar eru ekki skráðir á Gulu síðunum. Lítur út fyrir að maður verði að fara að gera hlutina sjálfur. Bíðum nú við, 1. skref: "Taktu allan þann tíma sem þarf ...." OK.