Bætum allt nema "tjón"

Skrítið að meðan tryggingafélög ýmist hafa "ekki efni á" að hækka bótaskalann eða þreyta tjónþola með samningaþófi eða neyða þá til að fara dómstólaleiðina - þá hafa tryggingafélögin "efni á" að fjárfesta milljarða úti í heimi og/eða borga eigendum sínum milljarða í ofurarð.

Í lok þessarar fréttar er algeng rökfærsla tryggingafélaga - en fyrirsögn málsgreinarinnar í tryggingaskilmálunum bíleigandans ætti að vera "tryggingafélagið bætir allt nema tjón" því undantekningarnar og frávikin eru ávallt þeim í hag. Hér er setningin úr fréttinni en feitletrun er mín: "Bifreiðin er kaskótryggð en þrátt fyrir það er alls óvíst að eigandinn fái tjón sitt bætt. Forsvarsmenn þeirra tryggingafélaga sem leitað var til gátu ekki tjáð sig um einstök tilvik en staðfestu það sem fram kemur í skilmálum."

Sem sagt, það er alveg sama þó einhver steli bílnum þínum, - ef hann var ekki hlekkjaður niður í malbikið, harðlæstur og ógangfær meðan þú dældir bensíni á tankinn og fórst inn að borga - þá er tryggingafélagið stikkfrí. Skilmálarnir eru alltaf tryggingafélaginu í hag og með kerfið í sinni þjónustu þurfa þeir að borga smánarlega lítið út til tjónþola og eftir situr vænn sjóður sem hreinn hagnaður.

Og í hvað er þessi hagnaður nýttur? Síðustu vikur höfum við fengið að vita að iðgjöldin okkar í áranna rás voru notuð til að hygla glæpamönnum með "ofurarði" eða í fasteignabrask hinum megin á hnettinum í von um meiri ofurarð. Aldrei var rúm til að hækka bætur eða rýmka tryggingaskilmálana.

Samvinnuhreyfingin mótaði tryggingakerfið á sínum tíma og pólitíkusar voru báðum megin við borðið þegar alþingi og ráðherrar mótuðu lög og reglur og bótastatistík. Í áratugi hafa tryggingafélögin sungið sama harmakveinið og stjórnmálamenn hafa sett reglugerðir og lög eftir þeirra forskrift. Ástkæra, óspillta Ísland. Foj bara!

Auðvitað átti bíleigandinn að taka lyklana, bílstjórasætið og bílvélina inn með sér til að borga bensínreikninginn - en eflaust hefðu tryggingaskilmálarnir séð við þeim varnagla og fundið aðra ástæðu til að losna við að borga tjónið...

Mismunandi eftir tryggingafélögum

"YNDI VINUR" Bréf frá Nígeríu

Ég fékk eftirfarandi Nígeríupóst í dag sem virðist þýddur yfir á íslensku með vefforriti. Þeir virðast vera að sækja á nýjan markhóp með íslenskri útgáfu af "get rich quick" tilboði. Ekki veitir af í þessum íslensku efnahagshremmingum. Hér er pósturinn. Góða skemmtun:

 

--  --  --  -- 

Yndi Vinur

ÉG vita this skilaboð vilja koma til þú eins og a koma á óvart eins og

við gera ekki vita hvor annan í manneskja en sökum the náttúran af

this viðskipti hver ég er óður í til afhjúpa til þú , ég velja til

snerting þú um email til leita að fyrir þinn samþykki fyrir félag

fyrir okkur til framkvæma a framkvæmd þessi vilja vera gagnlegur til

báðir af okkur. Áður ég halda áfram , Minn Nafn Er Herra. Andrew

Philips a Bretar Borgari ÉG er the tilbúinn til notkunar

framkvæmdastjóri af Citibank Plc. Oxford Grein hér í London Uk. Á

meðan okkar anual bankarekstur hæfnispróf hver took staður á the

þriðji af this mánuður (3rd Júní 2009) við uppgötva a gríðarstór summa

af peningar vinstri í a sofandi reikningur fyrir yfir sjö ár (7 ár )

án allir líkami óperu- á the reikningur eftir á futher rannsókn á the

reikningur , við stofna út þessi the reikningur eiga að vera til einn

af okkar erlendur fjárfestir ( herra. George Leen ) hver því miður

glataður hans líf saman með hans eiginkona í a brotlending í the ár

2002 á a frí ferðalag til Bandaríkin. According to til minn banki

stýrikerfi og siðfræði svo sem sofandi reikningur vilja vera gera

upptækan og the sjóður vilja vera hús inn í the banki ósóttur

reikningur fyrir banki nota ef enginn koma upp eins og the arfþegi.

 

Eins og þú mega vilja til vita , Herra. George Leen innborgun this

peningar til okkar banki providing that enginn eins og the arfþegi.

Minn val af snerting þú vekja undirstaða á the náttúran af this

framkvæmd hver þurfa a útlendingur áður the sjóður geta vera gefa út

og minn aðalæð tilgangur er til nútíminn þú til the banki eins og the

ættingi svo þessi the sjóður virði af sextán milljón fimm hundrað

þúsund Sameinaður Stjórnvitringur Dollari geta vera greiddur til þú

eins og the arfþegi fyrir okkar gagnkvæmur hagur. á the endir af this

framkvæmd the sjóður vilja vera hluti sextíu prósent (60) til mig og

fjórði prósent (40) til þú. Þóknast ef þú ert áhugasamur í minn tilboð

vingjarnlegur ná sér niðri á til mig þegar í stað eftir á lestur this

skilaboð með the hópur stuðningsmanna smáatriði niðri :

 

Þinn Fullur Nafn

Þinn Aldur

Þinn Atvinna

Þinn Snerting Heimilisfang

Þinn Persónulegur Hreyfanlegur Sími Tala

 

Í kvittun af the yfir þurfa upplýsingar vilja búa húsgögnum þú með

fleiri smáatriði og the halda áfram fyrir framkvæmd this verkefni

aleiga mín þörf er þinn skilningur co - gangur og gæsla this framkvæmd

toppur leyndarmál og leynilegur þangað til við ert. Eins og þú mega

vilja til vita ég hafa allur the lífsnauðsynlegur upplýsingar til

styðja this krafa og með the áhrif af minn staða í the banki við vilja

ljúka this framkvæmd án allir hindrun.

 

Bíða eftir þinn áríðandi svar

 

Takk

Herra. Andrew Philips

 

-- -- -- 

PS: Nígeríusvindl eins og þetta gengur út á að láta viðtakanda halda að hann eigi von á miklum peningum og til þess að það gangi eftir þarf hann/hún að leggja út "kostnað" og gefa upp bankaupplýsingar sínar, o.s.frv. Síðan er bankareikningur viðtakanda tæmdur eða þá bætist sífellt við nýr kostnaður sem viðtakandi þarf að borga til að fá stóra peninginn. Ef viðtakandinn er blankur þá er honum/henni stundum sendur feitur erlendur tékki með fyrirmælum um að skipta honum í banka og senda hluta hans til svindlarans - en tékkinn er falsaður og upphæðin lendir öll á fórnarlambinu. Svo eru fleiri varíasjónir af sama þema sem öll ganga útá að láta viðtakanda póstsins trúa því að til að fá peninga frá svindlaranum verði að senda svindlaranum peninga.

Já,mannlegu hugviti eru engin takmörk sett...

 

Heimtum endurgreiðslukjör Sjálfstæðisflokksins!

Er ekki hægt að sippa þessu æseiv láni yfir í sjálfdæmisgreiðslukjör Sjálfstæðisflokksins sbr endurgreiðslu ofurstyrkjanna - þ.e. vaxtalaust og vakúmpakkað í með blárri siðblinduslaufu?  Maður bara spyr...

Líkt og við höfum tapað málinu

Myndir af Jackson írafárinu

Það er þvílíkt löggukraðak hér í Encino að ég hef aldrei séð annað eins og Ventura Blvd er hálf stíflaður þessa dagana útaf Jackson írafárinu.  Ég tók þessar myndir fyrir utan heimili Jackson fjölskyldunnar sem er umsetið af papparössum og syrgjendum.

 

 

 

 

 

 

 

 

Jackson fjölskyldan hefur búið hér í Encino í þrjátíu ár eða lengur og ég sé oft bræður Michaels á lókal Starbökksnum mínum. Þetta eru síbrosandi ljúflingar og engir stjörnustælar eins og oft vill verða.

Papparassar fyrir utan hliðið sögðu mér að börn Jacksons séu komin þangað með barnfóstru sinni.

 

 

 

 

 

 

 

 

Mér ofbauð eiginlega kraðakið og lætin. Skrítið að fá ekki að syrgja í friði - en svo er ég víst sjálfur sekur um sama glæp því ég gekk jú framhjá og tók myndir eins og allir hinir... 

 

Svo í gær (laugardag) fór ég með Vee félaga mínum á fund niðrí Hollywood og sá írafárið við stjörnu Jacksons á Hollywood Boulevard. Stjarnan sést varla fyrir blómum og samúðarkortum. Lögregla beindi fólki í 150 m biðröð meðfram gangstéttinni og heil húsalengja var lokuð fyrir gangandi nema biðröðin.

Segist hafa þurft að dæla lyfjum úr Jackson

Svínaflensufaraldur eða múgsefjun?

Hér í Los Angeles eru borgaryfirvöld búin að tryggja bóluefni gegn H1N1 flensunni fyrir 500 þúsund manns. (H1N1 er nýtt sjúkdómsheiti, svínaflensa var víst rangnefni enda smitast flensan milli manna en ekki svína og manna) En áfram með smjörið; Arnold fylkisstjóri hefur lýst yfir neyðarástandi. Einstaka skólar eru lokaðir á morgun og þeir skólar sem ekki loka búast við að sumir foreldrar haldi börnum sínum heima. Fréttamaður í sjónvarpinu mældi hversu langt hnerraúði berst í logni og það var hvorki meira né minna en 25 metrar. Bráðamóttökur eru yfirfullar af hóstandi fólki með háan hita og fólki sem vill fá bólusetningu strax. Andlitsgrímur í byggingarvöruverslunum seljast hraðar en hægt er að raða þeim í hillurnar. Skemmtiferðaskip á leið til Mexíkó hafa snúið við og menn eru í alvöru að tala um að loka landamærunum. Þúsundir skólabarna sem búa Mexíkómegin við landamærin og sækja skóla daglega í Bandaríkjunum verður líklega úthýst. Barnfóstrur, garðyrkjumenn, hreingerningarfólk og aðrir sem vinna láglaunastörf og búa þröngt með Mexikönskum löndum sínum eru litnir hornauga sem mögulegir smitberar. Fólk er hrætt.  

Já, þetta lítur ekki vel út - en svo má bæta því við að það hefur ekki orðið vart við eitt einasta STAÐFEST svínaflensutilfelli hér í suður-Kaliforníu. Allir þeir sem talið var að væru smitaðir hér í Kaliforníu voru víst bara með "venjulega" flensu.

Það mun taka nokkra daga að fá staðfest hvort einhver Kaliforníubúi sé smitaður. Hvernig verður ástandið þá? Púh...

 

Sama og að vera pínulítið óléttur...

Hvaða máli skiptir hvort Árni Johnsen er fyrsti eða annar eða þriðji þingmaður í sínu kjördæmi? Er útstrikunaraðferðin einhverskonar lýðræðislegt "ulla bjakk" á frambjóðendur eða alvöru kjósendavald?

Hvað ef frambjóðandi er útsmoginn loforðasölumaður sem smalar vildarvinum sínum í prófkjör? Ef frambjóðandi veit að fólk muni strika hann út í kosningum þá snýst "kosningabaráttan" um að troða sér nógu ofarlega á lista svo útstrikanir nái ekki að koma viðkomandi út af þingi.

Þetta er einfalt reikningsdæmi. Ef prófkjörsþátttakendur Sjálfstæðisflokksins eru t.d. þúsund manns en kjósendurnir tugir þúsunda þá er prófkjörið aðal baráttuvettvangurinn. Það er búið að raða spilunum í stokkinn þegar hinn "venjulegi kjósandi" mætir í kjörklefann. Val kjósandans snýst þá um frambjóðandann sem hann vill EKKI kjósa - semsagt, það er búið að snúa lýðræðinu á haus.

Svona system gerir prófkjör að aðalatriðinu og kosningarnar verða aukaatriði, nánast formsatriði. Það er búið að setja atburðarásina í farveg sem prófkjörið ákveður. Lítið brot flokksbundinna kjósenda getur stjórnað því hverjir komast á þing og frambjóðandinn veit jafnvel hverjir það eru og getur ráðið sínum ráðum og útbýtt loforðum til að komast á lista.

Eins og gamli heimilislæknirinn minn sagði; "Það er ekki hægt að vera pínulítið óléttur." Annað hvort er þetta lýðræði eða ekki. En ég held að þetta "prófkjörskerfi" sé séríslensk útgáfa af pólitískri spillingu. 

Árni Johnsen niður um þingsæti

Árni Johnsen, prófkjör og útstrikanir

Já, þetta er skrítið system þegar "prófkjörskjósendur" velja frambjóðendur á lista og kjósendur velja flokka. Þetta er einskonar tvöföld kosning,- prófkjörið skiptir öllu því menn kjósa listann (samherjana) en ekki endilega frambjóðendur sem eru á listanum.  Þeir sem sigra í prófkjöri eru garanteraðir á þing - skítt með sjálfar kosningarnar...

Er þetta lýðræði eða flokksræði? Er hollusta við flokka grunnurinn að lýðræði á Íslandi.

Hér er samviskuspurning: Hvað ef sjálfur Steingrímur Njálsson kynferðisglæpamaður væri frambjóðandinn í fyrsta sæti?

En skoðum raunveruleikann. Ég man að í síðasta prófkjöri fékk Árni Johnsen ca 1000 atkvæði og ca 1.200 útstrikanir í sjálfum kosningunum. Semsagt, með mínus 200 atkvæði komst Árni Johnsen á þing. Er það lýðræði eða flokksræði? Þeir sem kusu Sjálfstæðisflokkinn voru sem sagt knúðir til að kjósa flokksframbjóðanda sem þeir vildu ekki - mann sem hafði verið dæmdur fyrir þjófnað á almannafé. Mann sem kunni ekki að skammast sín. Sorglegt...

En þetta var á þeim tíma sem Ísland var óspilltasta land í heimi. Það er talandi dæmi um "spillingarvakt" kerfisins í þá daga að Árni varð uppvís um stuld fyrir atbeina sendibílstjóra Þjóðleikhússins  en ekki lögreglu eða ríkisendurskoðunar, svo dæmi séu nefnd.

En skilvirkni kerfiisins til málsbóta er rétt að benda á sakaruppgjöf Árna small í gegn á met tíma. Hún kom að vísu bakdyramegin í pólitískum klíkuskap félaga hans í Sjálfstæðisflokknum og er enn eitt sorglegt dæmið um siðblinda stjórnmálamenn og veikburða réttlætiskennd kjósenda.

Það verður fróðlegt að sjá hversu margir strika Árna út í þessum kosningum - þ.e.a.s. ef það verður gert opinbert sem er jú eðlilegt - eða hvað?

Mín skoðun er að menn eins og Árni Johnsen eiga ekkert erindi í stjórnmál fyrr en þeir standa upp og biðja þjóðina fyrirgefningar og viðurkenna brot sitt. Við erum öll breysk og ófullkomin. En við erum ekki siðblind. Eða hvað...?

Tími prófkjara liðinn

Skrítið...

Í árslok 2006 var Sjálfstæðisflokkurinn á hausnum og fráfarandi og verðandi framkvæmdastjóri vöktu yfir fjármálunum. Heildarstyrkir frá fyrirtækjum fyrstu 11 mánuðina voru ca 20 milljónir - og viti menn, detta ekki inn í kassann 60 millur kortéri fyrir áramót og fjárhag flokksins var borgið.

Við eigum að trúa því að þetta hafi gerst án þess að nokkur tæki eftir því nema formaður flokksins og nýji framkvæmdastjórinn.

Við eigum að trúa því að 75% af innkomu ársins 2006 hafi farið framhjá Kjartani Gunnarssyni meðan hann var að afhenda eftirmanni sínum búið.

Við eigum að trúa því að Kjartan hafi kvittað upp á bókhaldið hjá endurskoðanda flokksins án þess að taka eftir því að allt var komið í bullandi plús.

Við eigum að trúa því að Kjartan hafi fyrst frétt af styrkjunum í fréttum Stöðvar 2, tveimur og hálfu ári seinna!

Nú er Kjartan í felum og lætur fjölmiðla ekki ná í sig.

Skrítið...

 

 

Fengu meiri styrki árið 2006

Ó nei, góurinn, ekki aldeilis...

Þó glitti í sannleikskorn innan um undanslátt og beinar lygar þá þýðir ekki fyrir nýkjörinn formann að segja sisona: "...allt sé komið fram í styrkjamálinu, sem máli skiptir fyrir flokksmenn."  Hvað gerðu þessir "flokksmenn" fyrir þau fyrirtæki sem styrktu flokkinn? Það er ókannaður spillingarakur og skiptir máli fyrir okkur hin sem ekki eru flokksmenn Sjálfstæðisflokksins.

Kaup á pólitíkusum er daglegt brauð í útlöndunum stóru. Það hefur líka verið lenska á Íslandi en aldrei fengist upp á yfirborðið. Oft þegar slík mál hafa náð í fréttirnar hafa menn eins og Bjarni getað settlað málin með yfirlýsingum eins og þessari. Það er ekki nema pólitískar ofsóknir hafi verið með í dæminu eins og þegar Guðmundur Jaki og Guðmundur Árni fengu "makleg málagjöld" í denn.

Nú stendur íslenskur stjórnmálaflokkur frammi fyrir því að hreinsa til í eigin röðum og þá er erfiðara um vik. Nú verða leiðtogarnir að benda á samherjana en ekki menn í öðrum flokkum. Þá þarf sterka siðferðiskennd og kjark, meiri kjark en Bjarni hefur sýnt til þessa:  Skoða hvaða sjálfstæðismenn í borgarstjórn og ríkisstjórn tóku ákvarðanir sem snertu hagsmuni styrktarfyrirtækjanna og fyrirtækja í þeirra eigu og skoða tengsl þeirra við þá sem sátu við reiknivélarnar á skrifstofu Sjálfstæðisflokksins. Voru tengsl þar í milli eða ekki? Þorir Bjarni eða þorir hann ekki? 

Allt komið fram sem máli skiptir

Ef böndin berast að þér...

...bentu þá á aðra og segðu að allt sem miður hefur farið sé þeim að kenna. Þetta er gamalt trix sem virkar oftast vel til að halda saman heiladauðum stuðningsmönnum og vinna til liðs við sig þá sem hugsa skammt og skilja fátt.

Nú á tímum þegar klappstýrur Sjálfstæðisflokksins hafa fá eða engin fagnaðarefni í afrekaskrá liðinna ára þá er brugðið á gömul ráð: "Aðrir flokkar eins og Framsókn, og sérstaklega Samfylkingin, hafa komið út úr þessu eins og hvítþvegin bleyjubörn sem hafa ekki komið nálægt neinu.“

Áttu annan?

„Hvítþvegin bleyjubörn“